Në çdo marrëdhënie ka një flamur të verdhë, i cili është një sjellje ose karakteristikë që duhet mbajtur nën vëzhgim sepse ka tendencën të shfaqet
Flamujt e verdhë janë subjektivë – ajo që për një person mund të mos ketë rëndësi, për një tjetër mund të jetë shumë shqetësuese.
Problemi mund të mos nënkuptojë që marrëdhënia duhet të përfundojë, por tregon që të veproni me kujdes.
Përse është e rëndësishme të njihni flamujt e verdhë në një marrëdhënie:
Flamujt e verdhë nuk janë gjithmonë faktorë që prishin marrëdhënie. Ata janë shenja paralajmëruese që sjellja, tendenca ose karakteristika të partnerit tuaj mund të kthehen në një problem më të madh.
9 flamuj të verdhë në një marrëdhënie
Edhe pse flamujt e verdhë në marrëdhënien tuaj mund të mos jenë problem për dikë tjetër, ka disa shenja të përgjithshme paralajmëruese që mund të dëshironi t’i mbani nën vëzhgim:
1. Ata duan të kalojnë gjithë kohën me ju
Ndërsa kjo mund të duket një gjë shumë pozitive, mund të jetë gjithashtu shqetësuese. Nëse dikush bëhet tepër i varur nga partneri, mund të jetë një flamur i verdhë, që sinjalizon një zakon të pashëndetshëm që mund të çojë në presion të tepërt ose një pabarazi në marrëdhënie.
2. Nuk kanë hobi ose interesa
Interesat dhe pasionet ndihmojnë që një person të jetë më i kompletuar.
3. Nuk kanë miq të tjerë
Disa njerëz natyrshëm pëlqejnë të qëndrojnë vetëm. Megjithatë, mungesa e miqve ngre shqetësime për aftësinë e partnerit tuaj për të pasur marrëdhënie të shëndetshme.
4. Nuk janë të gatshëm të bëjnë kompromise
Pyesni veten nëse ju jeni ai që gjithmonë dorëzohet për të ruajtur paqen. Një marrëdhënie e shëndetshme kërkon që të dy partnerët të jenë të gatshëm të dëgjojnë dhe të punojnë së bashku për të gjetur zgjidhje që funksionojnë për të dy.
5. Kanë shumë borxhe
Të pasurit borxhe është shumë e zakonshme. Jo të gjitha borxhet janë të këqija. Por duhet të shihni se si partneri juaj i ka krijuar ato borxhe. A kanë zakone të këqija shpenzimi? Gjithashtu, a ka një plan për të shlyer borxhet? Si i kanë marrëdhëniet me paratë?
6. Nuk respektojnë kufijtë tuaj
Nëse partneri juaj shpesh vonohet dhe ju lë duke pritur ose nuk respekton rregullat personale që keni vendosur, kjo mund të tregojë mungesë kujdesi për ndjenjat tuaja.
7. Kanë një histori me marrëdhënie të dështuara
Ndonjëherë njerëzit janë thjesht të pafat në dashuri dhe ndonjëherë ka një arsye pse shumë marrëdhënie fillojnë të shpërbëhen, citon Anabel.
A janë flamujt e verdhë gjithmonë diçka e keqe?
Flamujt e verdhë nuk janë domosdoshmërisht të këqij. Të qenit në gjendje të identifikoni një shqetësim dhe ta nxirrni në pah mund t’ju ofrojë një mundësi për komunikim të shëndetshëm. /Telegrafi/