Duke rinovuar murin e tualetit, çifti gjeti letra të vjetra dashurie – adoleshenti amerikan kishte një dëshirë të madhe

Çifti i Minneapolisit, Matt dhe Carrie Tessmer, vendosën të rinovojnë banjën e tyre, duke mos ditur se një befasi po i priste.

Pas njërit mur, ata gjetën një “thesar të fshehur” – një enë për ilaçe, glicerinë, ujë trëndafili, brisqe, si dhe produkte që nuk janë më në treg. Megjithatë, vëmendjen e tyre e tërhoqi diçka tjetër.

Gjegjësisht, zbulimi më emocionues janë letrat e dashurisë të shkruara nga i njëjti adoleshent, drejtuar dy vajzave – Hazel dhe Paulina.

Letrat u firmosën nga John B, i cili shprehte dashurinë dhe përkushtimin ndaj vajzave. Qartë i dashuruar, ai i kërkoi secilës prej tyre ta shoqëronin në një vallëzim.

“Ne hamendësojmë nga letrat se ai ishte midis 13 dhe 18 vjeç”, tha Keri Tessmer për mediat lokale.

Ajo tregon se janë dy autorë të “dyshuar”. I pari është John Pavlo, i cili ka jetuar në të njëjtën shtëpi me familjen midis viteve 1920 dhe 1950, raporton UPI.com.

Tjetri është John Book, i lindur në vitet 1930, i cili ishte më i madh kur u vendos në shtëpi, në vitet 1960.

Megjithatë, sendet e tij, si librat e shkollës dhe detyrat, u gjetën në papafingo, gjë që tregon se i pëlqente të ruante kujtime nga rinia.

“Ne do të donim të dinim historinë pas letrave dhe veçanërisht pse ato nuk u dorëzuan, por përfunduan në murin e banjës”, theksoi Carrie. /Telegrafi/