Kryeministri izraelit Benjamin Netanyahu tha se Izraeli "nuk ka zgjidhje tjetër veçse të përfundojë punën dhe të përfundojë mposhtjen e Hamasit".
Duke folur për mediat e huaja në Jerusalem, ai mbrojti një ofensivë ushtarake të planifikuar.
Ai pohon se "qëllimi i tij nuk është të pushtojë Gazën, por ta çlirojë”.
Ai gjithashtu po kundërshtonte atë që e quan një "fushatë globale gënjeshtrash", ndërsa dënimi i planit rritet si brenda ashtu edhe jashtë Izraelit, shkruan euronews.
Netanyahu tha se ka një "afat kohorë mjaft të shkurtër" në mendje për hapat e ardhshëm në Gaza.
Objektivat atje, tha ai, përfshijnë demilitarizimin e Gazës, ushtrinë izraelite që të ketë "kontroll mbizotërues të sigurisë" atje dhe një administratë civile jo-izraelite në krye.
Kryeministri tha gjithashtu se i kishte udhëzuar ushtrinë izraelite në ditët e fundit që të "sjellin më shumë gazetarë të huaj" - gjë që do të ishte një zhvillim i habitshëm pasi atyre nuk u është lejuar të hyjnë në Gaza përtej vendosjeve ushtarake.
Netanyahu përsëri ia hodhi fajin grupit militant Hamas për shumë nga problemet e Gazës, duke përfshirë vdekjet e civilëve, shkatërrimin dhe mungesën e ndihmës. /Telegrafi/
