Dropbox për Android – upload automatik

“Jemi të lumtur që kemi mundësinë të ndajmë me ju një mënyrë të thjeshtë në të cilën mund të ju ndihmojmë që të gjitha fotografitë e juaja dhe video materialet ti ruani në një vend”, thonë nga Dropbox në deklaratën në të cilën paralajmërohet mundësia e re për shfrytëzuesit e Androidit.

“Prej sot për Android, e së shpejti edhe për iOS, aplikacioni mobil Dropbox në mënyrë automatike mund të ngarkoj fotografitë dhe video materialet tuaja në Dropbox”, thuhet në deklaratë.

“Të gjithat ngarkohen në madhësinë origjinale dhe me kualitet të plotë dhe ruhen në follderin privat në Dropboxin tuaj, të quajtur Camera Uploads, dhe janë në dispozicion për shikim ose ndarje”.

Për të popullarizuar këtë shërbim, nga Dropbox për fillim japin 500 MB të hapësirës për upload automatik, e shfrytëzuesit mund të fitojnë deri në 3 GB të hapësirës pa pagesë.

Aplikacioni është në dispozicion në Android Market, ku mund të gjeni edhe informatat shtesë.

Drejtori ekzekutiv i Drobox, Drew Huston, tha se opsioni i ri paraqet një hap të vogël, por të rëndësishëm drejt ekosistemit të formuar rreth platformës Dropbox, e kompania, thotë ai, do të nxis programerët që të shkruajnë programe për përpunimin e fotografive. /Telegrafi/