Drita dhe Ballkani janë në fazën e tretë të Ligës së Konferencës dhe tanimë kanë mësuar edhe kundërshtarët e mundshëm nëse kalojnë tutje.
Kampioni në fuqi i Kosovës, Ballkani në rrethin e tretë do të përballet me skuadrën irlandeze Larne.
Ndërkohë Drita në këtë fazë të garave do të ndeshet me skuadrën Auda nga Letonia.
UEFA tanimë ka caktuar edhe kundërshtarët e mundshëm të Dritës dhe Ballkanit.
Drita ndodhet në grupin 2 te skuadrat jo favorite dhe ka mësuar kundërshtarët e mundshëm.
Në rast se kalojnë tutje gjilanasit do të përballen me Fiorentinën ose fituesit e dueleve Olimpija Ljuljana - Sheriff Tiraspo, Brondby - Legia Varshavë, Zurich ose Vitoria apo Corvinul - Astana.
Ndërkohë në rast se Ballkani kalon tutje do të ketë punë me fituesit e humbësit e dueleve si Klaksvik - Borac Banja Luka, Celje - Shamrock Rovers, Dinamo Minsk - Lincoln Red Imps, Panevezys - Maccabi Tel-Aviv dhe Santa Coloma - RFS.
Dy skuadrat kosovare do mësojnë kundërshtarët me fillim nga ora 13:00 kur edhe do të hidhet shorti. /Telegrafi/
