Dokumentar për jetën e aktores Margarita Xhepa

Nuk ndodh shpesh që figurave të shquara t’u realizohen filma dokumentarë derisa akoma janë gjallë, por Margarita Xhepa është me fat. Kineasti Kujtim Gjonaj, i cili në karrierën e tij ka realizuar mbi 100 filma dokumentarë, qe disa muaj ka nisur punën në filmin dokumentar dedikuar aktores së madhe shqiptare, Margarita Xhepës.

Në këtë film do të pasqyrohet jeta e aktores, e cila i ka dhënë jetë një numri të madh personazhesh në skenë dhe ekran. Regjisori vlerëson thjeshtësinë e Xhepës edhe titullin artistja kërkon që të jetë pa pompozitet. Ky është filmi i parë dokumentar realizuar për aktoren Xhepa e për këtë nuk harron të falënderojë edhe bashkëpunëtorët, skenaristen Angjelina Xhara, e cila i ka dedikuar edhe një libër aktores

“Mjeshtër i Madh”, Gjonaj, premton se filmi përfundon në vjeshtë, por premiera është menduar në fillim të pranverës së ardhshme për 80 vjetorin e aktores.

Margarita Xhepa është një aktore shqiptare e lindur në vitin 1932 në Lushjne. Ajo ka luajtur mbi 150 role në skenën teatrore, një aktore që ka në bagazhin e vet mbi 33 filma artistikë. Margarita është një aktore që kudo që ka pasur evenimente në jetën artistike të Shqipërisë është prezente me recitimet e saj, me aktivitetin e saj artistik.