Digg Reader tani edhe në Android

Sot gjatë ditës, Digg ka njoftuar se ka lëshuar aplikacionin e saj të ri të shërbimit Digg Reader edhe për platformën më të madhe mobile në botë, sistemin operativ të Google, Android, i cili tashmë është në dispozicion për shkarkim nga Play Store.

Shërbimi i ri për grumbullimin e lajmeve, përkatësisht aplikacioni Digg Reader për Android vjen me një dizajn të ri, të shpejtë dhe me navigim i cili u jep përdoruesve mundësi për lexim në kohë reale të përmbajtjes së postuar, si dhe përcjellje të publikuesve, gazetarëve apo blogerëve të rinj, apo atyre të zakonshëm.

Aplikacioni i Digg Reader për Android organizon njoftimet e RSS dhe burimeve tjera përmes follderëve, ndërsa ofron edhe mundësinë për të klasifikuar përmbajten më të famshme në internet dhe rrjetet sociale.

Karakteristikat tjera të Digg Reader përfshijnë edhe mundësinë e shpërndarjes së artikujve përmes rrjeteve sociale si Facebook, Twitter, Google Plus, Tumblr, LinkedIn, emailit apo teksteve, si dhe ruajtjen e tyre për lexim të mëvonshëm në Digg, Instapaper, dhe Pocket. / Telegrafi /