De Biasi flet për Zvicrën pas miqësores së humbur

Trajneri i kombëtares shqiptare, Gianni de Biasi, ka folur pas duelit të humbur ndaj Ukrainës në miqësore.

Sipas De Biasit ishte ndeshje e mirë në disa aspekte, por ai ka quajtur gabimet në mbrojtje foshnjërake.

Gianni de Biasi ka premtuar se ekipi do të shmangë gabimet dhe do të jetë gati për duelin me Zvicrën, shkruan Telegrafi.

“Një ndeshje e mirë. Një pjesë e parë shumë e mirë, një pjesë e dytë më shumë gabime. Pati raste që nuk i shfrytëzuam, por ndeshja nuk ishte përgjithësi e keqe”.

“Ishte një makth pësimi i tri golave. Ata nuk bënë raste, por ishin më shumë gabime foshnjërake tona. Eshtë e pabesueshme si mund të hyjnë këto gabime në zonë. Eshtë e pabesueshme për mua”.

“Ishte një pjesë e parë ku patëm rastin të shkojmë në avantazh, ku ai goditi keq në një pozicion të mirë. Morëm gol duke e shikuar kundërshtarin, e kuptoj se janë gabimet që mund të na kushtojnë shumë, por do të punojmë këto ditë dhe shpresoj se këto lloj gabime të na ndihmojnë që të bëjmë ndeshje të mirë të parë ndaj Zvicrës”.

“Më shumë sulmues se mbrojtës? Mbase kishim më tepër sulmues, por është mirë të provohet dhe kemi parë se çka jemi në gjendje të bëjmë dhe nëse nuk e provojmë në miqësore nuk e di se ku do ta provojmë”.

“Sigurisht se tifozët nuk munguan në asnjë ndeshje dhe edhe në këtë ndeshje na dhanë mbështetje. Besoj që kemi punuar shumë në aspektin fizik dhe gjithsesi nuk falen gabimet foshnjërore, shpresoj dhe besoj se do të jemi të përgatitur sa më mirë për ndeshjen e parë ndaj Zvicrës”, u shpreh De Biasi pas miqësores së humbur nga Ukraina.