Çfarë ishte krisma e fuqishme që zgjoi sot Prishtinën?

Mëngjesin e së shtunës, në kryeqytet për pak sekonda u dëgjua një krismë e fuqishme e shkaktuar nga bubullima. Krisma u ndie rreth orës 06:00, derisa këtë e bënë të ditur edhe shumë qytetarë nëpërmjet rrjeteve sociale, kryesisht në Twitter.

Lidhur me këtë rast, meteorologu i Institutit Hidrometeorologjik të Kosovës, Besim Aliu, ka thënë për Telegrafin se ajo se çfarë kemi dëgjuar sot janë shkarkesa elektrike me intervale të gjata në raport me ato të zakonshmet.

hala jom tu dridh prej qasaj vetetime

— 4nush3 (@spodubr3) September 17, 2022

I pyetur se a do të vazhdojë kjo situatë meteorologjike, Aliu tha se “reshjet po dobësohen dhe do te ndalen, derisa do të ketë temperatura tipike vjeshtore në ditët vijuese”.

That thunder felt like an earthquake or explosion.

— Dieta Bytyqi (@DietaBytyqi) September 17, 2022

Nuk maj n’men naj her qesi vetetime.

— Besfort (@BesfortOruci) September 17, 2022

ja nisa me kajt prej asaj vetetime

— G (@gewta_) September 17, 2022

Tutje, Aliu dha një sërë rekomandimesh se si të mbrohen qytetarët kur ndodhin dukuri të tilla natyrore.

Sipas tij është mirë që kur ka bubullimë gjatë kohës kur jemi në shtëpi të mbyllen dritaret dhe të ndalet tërsisht rryma.

“Nuk është mirë të bëjmë dush në kohën kur moti është me bubullimë. Nuk duhet të mbajmë metal me vete. Nuk duhet të qëndrohet në hijen e një peme apo lisi”, ka thënë ai.

Eksperti gjithashtu tha se rreziqet te njerëzit ekzistojnë edhe kur ata gjenden në det apo në pishinë. /Telegrafi/