Celina shënon gol të bukur dhe asiston në fitoren e Swansea

Ylli i Përfaqësueses së Kosovës, Bersant Celina ka shkëlqyer me klubin e tij, Swansea, në Championship.

Swansea ka fituar në shtëpi ndaj Sheffield Wednesday me rezultat 2-1 në ndeshjen e vlefshme për javën e 22-të të Championshipit anglez.

Në këtë ndeshje ka shkëlqyer ylli i Kosovës, Celina, i cili ishte më meritori i fitores së Swanseat.

Lexo po ashtu Të gjitha lajmet rreth Bersant Celinës

Celina ka arritur t’ia sigurojë tri pikë skuadrës së tij me një gol të shënuar dhe një asistim të bërë.

Ylli i Kosovës arriti të shënoj një gol të bukur në minutën e 71-të duke barazuar shifrat 1-1.

Vetëm një minutë më vonë, Celina arriti të asistojë për Wayne Routledge, i cili shënoi për 2-1.

Ky ishte goli i tretë për Celinën në këtë sezon, teksa ka kontribuar edhe me dy asistime.

Me këtë fitore, ekipi nga Uellsi e sheh veten në pozitën e nëntë me 32 pikë apo vetëm katër pikë më pak se zona ‘play-off’. /Telegrafi/