Riccardo Calafiori ka qenë një nga zbulimet e Euro 2024, pasi qendërmbrojtësi shkëlqeu me Italinë në Gjermani.
Falë paraqitjeve fantastike me Italinë, por edhe sezonin e kaluar me Bolognën ai u bë një nga futbollistët më të kërkuar nga top klubet evropiane.
22-vjeçari në fund u bashkua me Arsenalin, derisa ka thënë se një ëndërr e tij është bërë realitet me transferimin në Angli te Arsenali.
“Kam ëndërruar për këtë kur isha 12 vjeç. Mendoj se ky është projekti më i mirë për mua për vitet e ardhshme. Mendoj se do të përmirësohem si lojtar dhe shpresoj të fitoj trofe”, deklaroi Calafiori i cili do ta bartë fanellën me numër 33.
Kur u pyet se çfarë duhet presin tifozët e Arsenalit nga ai, Calafiori ka përmendur një mbrojtës rival, duke thënë se ai luan si John Stones.
💬 “We’re with you, all of us.”
To Riccardo, from north London 🎥 pic.twitter.com/qY3f2XNOmx
— Arsenal (@Arsenal) July 29, 2024
“Unë luaj si John Stones, kështu do ta përshkruaja veten. Më pëlqen ta çoj topin përpara nëse trajneri më kërkon”, tha italiani.
Arsenali i pagoi Bolonjës 40 milionë euro, plus 5 milionë përmes bonuseve. /Telegrafi/