Rruga në fshatin Polluzhë të komunës së Rahovecit është dëmtuar rëndë si pasojë e reshjeve të dendura të shiut, duke rrezikuar bllokimin e plotë të qarkullimit drejt këtij fshati.

Banorët e zonës kanë shprehur shqetësim për situatën, pasi çarja e rrugës ka vështirësuar lëvizjen e automjeteve.

Autoritetet komunale janë njoftuar për rastin dhe pritet që ekipet përkatëse të dalin në terren për të vlerësuar dëmet dhe për të ndërmarrë masa emergjente për sanimin e dëmit të shkaktuar.

Reshjet e shiut pritet të vazhdojnë edhe në ditët në vijim, çka mund ta përkeqësojë gjendjen dhe të rrisë rrezikun për bllokim total të fshatit Polluzhë. /Telegrafi/

telegrafi.com

RahoveciGjakovaRajoni i GjakovësGjakova