Brenda rezidencës luksoze të Wayne Rooney në Angli që kushton 20 milionë euro

Wayne Rooney po kthehet në shtëpi në Angli dhe do të jetojë në rezidencën e tij Morrins, prej 20 milionë eurosh që ka një fushë futbolli, dy liqene peshkimi, kinema dhe një pishinë.

Legjenda e Manchester United dhe Anglisë sapo është emëruar trajneri i ri i Birmingham City.

Atij do t’i bashkohet ikona e Arsenalit dhe Chelseat, Ashley Cole dhe ish-bashkëlojtari i United, John O’Shea , të cilët do të punojnë së bashku me të si trajnerë.

Rooney u largua nga skuadra e MLS DC United pasi ata nuk arritën të kalonin në ‘play-off’.

Ai kishte jetuar me stafin e tij stërvitor në Washington, ndërsa gruaja Coleen dhe katër djemtë e tyre, Kai, Klay, Kit dhe Cass mbetën në Angli.

Lexo po ashtu Të gjitha lajmet nga Wayne Rooney

Megjithatë, pasi t’i bashkohet Blues të mbështetur nga Tom Brady, ai do të marrë të gjithë mbështetjen që i nevojitet nga familja e tij ndërsa kthehet në shtëpi për t’u bashkuar me ta me kohë të plotë në rezidencën e tyre luksoze në Cheshire.

37 vjeçari dhe partnerja e tij, gjithashtu 37 vjeçare, mburren me një portofol të konsiderueshëm pronash, përfshirë një shtëpi në Florida, ShBA, Karaibe dhe në të gjithë Mbretërinë e Bashkuar.
Por, kurorën mban pallati me gjashtë dhoma gjumi që kushton 20 milionë euro, e që ndodhet në një tokë prej 40 hektarësh.

Thuhet se ndodhet në Cheshire dhe quhet ‘High Lake Manor’.

Ai gjithashtu krenohet me një garazh për koleksionin e tij të makinave, një kinema, pishinë dhe madje edhe dy liqene peshkimi.

Ka po ashtu një bar, dhomë me abull, një vaskë, pishinë të brendshme etj.

Por kjo nuk është e gjitha – ai krenohet me një oborr të madh e të gjerë me kopshte dhe një garazh makinash. /Telegrafi/