Bogojeski: Reformat në OBRM-PDUKM janë të pasuksesshme

Petar Bogojeski në intervistë për “Otvoreno Studio” tha se reformat në OBRM-PDUKM janë të pasuksesshme.

“Ka kaluar një vit nga procesi i integrimit të reformave në trupat e partisë nën udhëheqjen e Mickoskit. Një vit më vonë mund të konstatojmë mossukses të procesit të demokratizimit të partisë, proces me antagonizëm të panevojshëm, pa dëshirë të vërtetë për diskutime, para së gjithash të ndërtojë një qëndrim tolerant ndaj pozicioneve të ndryshme të partisë”, tha Bogojeski.

Bogojeski theksoi se “gruevismi” nuk është zhdukur nga partia.

“Unë më herët kam theksuar se kemi mundur Gruevskin, por “gurevismin” jo, mbetem në atë qëndrim. Më shqetësuese është triniteti i shenjtë, e cila është sundimtar absolut i asaj që ne sot e njohim në OBRM-PDUKM, ndërsa ato janë babai Sasho, djali Nikolla dhe shpirti Martin, të cilin nuk e shihni, por është gjithmonë i pranishëm. Ky trinitet i shenjtë mbeti ajo pamje e shtrembëruar e asaj që duhet të jetë një OBRM e vërtetë në një shtet modern”, tha Bogojeski./Telegrafi/