Blegtoria shqiptare po shuhet! Vetëm vitin e fundit, numri i gjedhëve është pakësuar me 35 mijë

Blegtoria po shuhet. Vetëm vitin e fundit, numri i gjedhëve është pakësuar me 35 mijë. Nga 298 mijë lopë apo mëshqerra, të dhënat nga Instituti i Statistikave tregojnë se numri i tyre u tkurr në vetëm 263 mijë fund-vitin e shkuar. Edhe më e fortë rezulton rënie nëse shifrat krahasohen me vitin 2019.

“Blegtoria te ne është thuajse inekzistente, e braktisur e ndaj nga viti në vit po kemi tkurrje të numrit të bagëtive në gjithë territorin e vendit. Shikojmë që kur vjen puna edhe te skemat incentivuese ato janë të pamjaftueshme”, shprehet.

Mbështetja e ulët për shkak të fondeve të cunguara është arsye që konfirmohet edhe nga vetë fermerët.

“Sigurisht që po të kemi subvencione edhe ne do shtojmë gjedhët. Por te ne po ndodh e kundërta. Çdo që po vjen duke u tkurrur”, tha Mariglen Ziu, fermer.

Si pasojë e tkurrjes së numrit të gjedhëve, në një kohë që shqiptarët konsumatorët po përballen me çmime të larta të bulmetit, vitin e shkuar u prodhuan gati 70 mijë tonë qumësht më pak. Ndërkohë krahasuar me vitin 3021, sasia e qumështit të prodhuar është tkurrur me mbi 112 mijë tonë.

“Sigurisht që ne jemi të ndikuar nga çmimet globale, por fakti që kemi varësi kaq të lartë nga importi na bën ne më të ekspozuar nga rritja e çmimeve. Në fund e vuajnë konsumatorët”, tha Esmeralda Ballesha, eksperte e sektorit bujqësor e blegtoral.

Të dhënat nga INSTAT tregojnë se gjithsej vitin e shkuar në vend pati rreth 2.3 milionë bagëti e shpendë. Pjesa më e madhe e tyre, 42 për qind rezultojnë gjedhë, ndjekur nga të imtat, shpendët, një-thundrakët e derrat./A2 CNN