Zakonisht është krejtësisht normale, por simptomat tregojnë se kur është koha për alarm
Djersitja e kokës te bebet mund të jetë një fenomen krejtësisht i padëmshëm, pjesë përbërëse e rritjes, por ndonjëherë është edhe shenjë e gjendjeve të rrezikshme.
Bebes po i djersit koka, a duhet të shqetësohem?
Kjo është vetëm një nga pyetjet, një nga shqetësimet që ndajnë nënat në forume të shumta kushtuar prindërimit, transmeton Telegrafi.
Pse bebeve u djersit koka, a është e rrezikshme kjo gjendje dhe si mund të parandalohet?
Ka shumë arsye për këtë fenomen. Së pari, gjëja më logjike për të kontrolluar si e keni veshur beben. Krahasoni rrobat e saj me rrobat që vishni vetë. Nëse është një ditë e ngrohtë vere dhe ju vishni rroba të lehta, duhet të zgjidhni të njëjtën gardërobë edhe për beben tuaj.
Kur e përgatisni për gjumë dhe e vendosni në shtrat, zgjidhni një batanije të hollë – mbulesat e ngrohta prej leshi janë më të përshtatshme për ditë të ftohta.
Ekspertët theksojnë gjithashtu se nënat e reja duhet të jenë të vetëdijshme se të porsalindurit pjesën më të madhe të kohës e kalojnë në fazën më të thellë të gjumit, që do të thotë se ata kanë shumë më tepër gjasa të djersiten dhe të zgjohen me kokë të djersitur.
Nëse kësaj i shtojmë faktin se koka e një fëmije të porsalindur përbën një zonë të konsiderueshme të trupit të tij, nuk është për t’u habitur që ajo “vesë”. Nga ana tjetër, edhe pse ky fenomen është normal, nëse ndodh në masë të madhe, tashmë mund të jetë alarm për t’u vizituar te mjeku. Djersitja e tepërt e kokës tek foshnjat mund të shkaktohet nga një infeksion ose një shenjë e një defekti kongjenital të zemrës.
Gjithashtu duhet të keni parasysh se trupi i foshnjës është ende shumë i pazhvilluar dhe nuk “funksionon” në potencialin e tij të plotë, veçanërisht vendosja dhe ruajtja e temperaturës bazë të trupit nuk është e rregulluar. Mund ta vendosni fëmijën në krevat fëmijësh me kokën krejtësisht të thatë dhe kur të ktheheni në dhomë do të shihni se ajo ka djersitur dukshëm.
Mos u çuditni nëse do të duhen disa muaj para se trupi i tij të mësojë të rregullojë normalisht temperaturën e trupit. Me kalimin e kohës do të vini re se gjithnjë e më shpesh zgjohet me kokë të thatë!
Përveç kësaj, nëse është fëmija i parë, nënat shpesh dinë të ekzagjerojnë në përpjekjet e tyre për të mbrojtur fëmijën. Kështu që shpeshherë e fshehin tej mase, duke e mbrojtur nga armiku më i madh – shkuji, duke mos ditur se po i shkaktojnë më shumë dëme.
Nëse temperatura në shtëpi është aq e rehatshme për nënën sa nuk ka nevojë të veshë pulovër, përse fëmija duhet të veshë një të tillë? Ndoshta fëmijës i djersitet koka vetëm se është veshur tepër… /Telegrafi/