Bashkimi dhe komuna e Prizrenit mobilizohen për garat në FIBA Euro Cup

Klubi i basketbollit të Bashkimit sezonin që lamë pas është shpallur kampion i Kosovës.

Pas 73 vjet pritje, prizrenasit kanë rrëmbyer trofeun e çmueshëm të kampionit në IP Superligën e Kosovës.

Kjo ka bërë që portokallezinjtë të fitojnë të drejtën edhe të paraqiten në garat evropiane.

Me shumë gjasa, “Arpagjik’t” do të marrin pjesë në FIBA EuroCup, ku së fundi u paraqit Sigal Prishtina.

Kjo ka bërë që të mobilizohet menaxhemnti i klubit si dhe komuna e Prizrenit, në mënyrë që të koordinohen sa më mirë para fillimit të garave evropian.

Postimi i plotë i Bashkimit:

Të nderuar adhurues te basketbollit

Klubi ynë i zemrës kampioni i Kosovës në basketboll KB Bashkimi, sezonin e ardhshëm 2018/2019 me gjasë do të prezantoj Prizrenin dhe Kosovën në gara të nivelit Evropian,FIBA Euro Cup!

Pas takimit që menaxhmenti i KB Bashkimi zhvilloi me Kryetarin e Komunës së Prizrenit u konfirmua vazhdimi i përkrahjes së Komunës së Prizrenit për kampionin, KB Bashkimi!

Përkrahja institucionale në investime në palestër gjithashtu është konfirmuar nga MKRS sikurse edhe përkrahja në kontinuitet nga FBK!

Pjesëmarrja e KB Bashkimi ne FIBA Euro Cup përveç tjerash do të jetë një mundësi shumë e mirë edhe për bizneset prizrenase dhe kosovare që përmes sponzorimit t’i afirmojnë bizneset e tyre në nivel më të larte për të hapur tregje të reja!

Sporti në këtë rast basketbolli është një mundësi shumë e mirë për të promovuar qytetin tonë të bukur si dhe tërë Kosovën!

Të kontribuojmë secili në mënyrën e vet dhe në kuadër të mundësive që i kemi për të promovuar vlerat tona jo vetëm sportive! /Telegrafi/