Barcelona synon ta shpërblejë Lamine Yamal me kontratë të re dhe rritje page

Përfaqësuesit e Barcelonës dhe Lamine Yamal janë duke biseduar për një kontratë të re dhe më të mirë, sipas Mundo Deportivo.

Klubi dëshiron të rrisë pagën e Yamalit për të pasqyruar rolin e tij gjithnjë në rritje në ekip.

Aktualisht, Yamal po merr pagën minimale për një lojtar të ekipit të parë të Barcelonës. Megjithatë, bonuset që ai merr janë më të mëdha se paga e tij bazë.

Lexo po ashtu Fanellat më të shitura të Barcelonës këtë sezon - Yamal i pari, Messi mbetet ende në ‘top 3’

Kontrata e tij, e cila është deri në vitin 2030, fillimisht i dyfishoi të ardhurat, por tani kjo konsiderohet e pamjaftueshme.

Yamal është bërë një lojtar shumë i rëndësishëm për Barcelonën dhe kombëtaren spanjolle.

Paraqitjet e tij kanë rritur vlerën e tij në treg dhe ai ka fituar çmime prestigjioze si Trofeu Kopa dhe Golden Boy.

Mundo Deportivo raporton se Barcelona e sheh një marrëveshje të re si të nevojshme.

Lexo po ashtu Yamal përmend tre lojtarët e klasit botëror të cilët do dëshironte që Barcelona t'i transferonte

Megjithatë, Barcelona duhet të kujdeset për stabilitetin financiar ndërsa përpiqet të rrisë pagën e Yamalit.

Yamal, i cili do të mbushë 18 vjeç në korrik, mbetet i përkushtuar për Barcelonën, derisa përfaqësuesit e tij kanë thënë se qëndrimi i tij është prioriteti kryesor, pavarësisht nga bisedimet për kushtet financiare. /Telegrafi/