Ndryshimet klimatike paraqesin sfida të mëdha në gjithë botën. Temperaturat në rritje, shpërthimet e stuhive, dhe rritja e nivelit të deteve po ndikojnë në mënyrë të ndjeshme në jetën e përditshme, si dhe në ekonominë globale.
Në këtë kontekst, Banka për Biznes (BPB) të martën (1 tetor) ka bërë një hap të rëndësishëm duke lansuar iniciativën e Gjelbër, një strategji që synon të mbështesë projekte të qëndrueshme dhe miqësore me mjedisin përmes kredive të gjelbra për klientët privatë dhe bizneset.
Iniciativa e Gjelbër e BPB-së paraqet një hap të rëndësishëm drejt një ekonomie më të qëndrueshme dhe është një mundësi e shkëlqyer për qytetarët dhe bizneset për të kontribuar në mbrojtjen e mjedisit.
Në lidhje me këtë kryeshefja ekzekutive e BPB, Mimoza Godanci Aliu, theksoi se kjo është një mundësi e shkëlqyer për klientët që të investojnë në kursimin e energjisë.
“Sot ne e lancojmë iniciativën e Gjelbër, në bashkëpunim me BERZH-in. Kjo është një mundësi për klientët tanë të financojnë investimet në kursimin e energjisë, si për individët ashtu edhe për bizneset”, deklaroi Godanci Aliu.
Ajo theksoi se kredia për investimet e gjelbra ndihmon në uljen e kostove të energjisë elektrike dhe ndihmon në prodhimin më efikas, duke kontribuar gjithashtu në reduktimin e ndotjes.
Siç theksoi Godanci-Aliu iniciativa ofron edhe një komponent grant, ku 20 përqind e investimit mund të kthehet në formë të parave, duke e bërë investimin edhe më atraktiv për klientët.
“Çdo veprim sado i vogël, qoftë dhe vetëm kalimi në shfrytëzimin e materialeve të qëndrueshme ose kursimi i energjisë, do të krijojë një efekt zinxhiror që na mundëson menaxhimin më të mirë të ndryshimeve globale”, u shpreh ajo.
“Sot, bashkë po lansojmë iniciativën e gjelbër të bankës, e cila fokus ka ofrimin e zgjidhjeve më të mira për vetëdijesim dhe investime të gjelbra për klientë individualë dhe për biznese. Pra, ne synojmë të jemi partner dhe mbështetës për individët dhe bizneset në rrugëtimin e tyre drejt qëndrueshmërisë.”
Kjo iniciativë ka filluar me përkrahjen e BERZH-it, përmes programit Programit Kreditor për Financimin e Ekonomisë së Gjelbër – GEFF, dhe USAID.
Përmes programit GEFF, BPB-ja siguron financim për familjet që rinovojnë shtëpitë e tyre ose ndërtojnë shtëpi të reja dhe investojnë në teknologji efiçiente ndaj energjisë.
Ndërsa, Sergiy Maslichenko, drejtor i BERZH-it në Kosovë, e theksoi rëndësinë e ekonomisë së gjelbër si një prioritet kryesor për institucionin e tij.
“Ne po mbështesim qeverinë e Kosovës dhe bizneset që investojnë në efikasitetin e energjisë dhe energji të ripërtëritshme,” tha ai.
Ky bashkëpunim i BERZH-it me BPB-në përfshin një fond prej 4 milionë eurosh, i cili do të fokusohet në sektorin rezidencial, duke financuar izolimin e shtëpive, vendosjen e paneleve solare dhe përmirësimin e efikasitetit të energjisë në përgjithësi.Maslichenko shprehu besimin se ky program do të sjellë benefite ekologjike, financiare dhe sociale për Kosovën.
Kurse bizneset kanë përkrahjen e USAID-it, të cilët përmes Investment Promotion and Access to Finance Activity kanë përkrahur BPB-në në zhvillimin e produktit kreditor të gjelbër për biznese, si dhe në trajnimin mbi vetëdijesimin dhe qasjen në investime të gjelbra për ta, projekt të cilin e shtjelloi më thellësisht Eric Guetschoff, zyrtar për biznese private në USAID.
Eventi i lansimit u përmbyll me një panel diskutimi në mes të bankës dhe institucioneve vendore kyçe për arritjen e objektivave të gjelbra të vendit. Besnik Berisha nga Fondi Kosovar për Garanci Kreditore dhe Driton Hetemi nga Fondi i Kosovës për Eficiencë të Energjisë treguan më tepër rreth projekteve me anë të së cilave mbështesin bizneset dhe individët në transformimin e tyre të gjelbër. Bashkë me Bankën e Vendit u dakorduan për të vazhduar projektet e përbashkëta. /Telegrafi/
Lufta Prigozhin - Putin
Më shumëNga Rubrika
Filmi ‘Prokurori’ vjen në Cineplexx në 12 Tetor: U xhirua në Tiranë me pjesëmarrjen e aktorit të njohur hollivudian Danny Glover
FASAL paraqet inovacionet e reja në Global Albanian Gastronomy Festival
Linda 22 – Projekti që do të transformojë konceptin e ndërtimit në Fushë Kosovë
Banka për Biznes lanson Iniciativën e Gjelbër
Përmbaruesi Privat bllokon përsëri llogaritë e Telekomit të Kosovës për rastin Z-Mobile
Linda 22 - Projekti që do të transformojë konceptin e ndërtimit në Fushë Kosovë
Pse të udhëtosh me EI Taxi është zgjidhja e duhur?!
Përfito nga subvencionimi 40% i Qeverisë dhe oferta fantastike nga MeritaTerm
Vitaland është me ju!
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Detaje se si Michael Schumacher komunikon me familjarët pas 'paraqitjes së parë publike' në 11 vjet
“Me emër të Zotit, veç mos u mërzitni” – pamje e rrallë, Kadri Veseli me ushtarët e UÇK-së
Një pajisje përgjimi u gjet në banjën time pas vizitës së Netanyahu, pohon Boris Johnson
Genta Ismajli përfshihet në një aksident me makinë në Amerikë
Policia e Kosovës bëhet me dhjetëra automjete të blinduara
A do të funksionojë bonusi për shoferët në Gjermani, për t'i nxitur ata të blejnë automjete elektrike?