Ballmer rreth konkurrentëve

Steve Ballmer mori pjesë në Web 2.0 Summit. Përveç rreth Microsoftit, ai foli edhe rreth konkurrentëve.

I pyetur për mundësinë që Microsoft të shes telefona nën emër të vetin, Ballmer tha se kompania “do ta bëjë atë që është e mundur për të mundësuar novacionet në fushën e harduerit”. Ai paralajmëroi se javës që vjen në Londër Nokia do të shfaq disa pajisje të reja me Windows Phone.

Ai tha edhe se në Microsoft janë të gëzuar për faktin se nuk e kanë blerë Yahoonë në vitin 2008. Bing sot ka në posedim 15% të tregut global të kërkimeve që është rezultat shumë më i mirë në krahasim me 7% sa kishte në posedim Microsoft me Live Search para Bingut.

Ballmer pati kohë të flas edhe për konkurrentët. Ai tha se shfrytëzuesit e Windows Phone nuk duhet të jenë të diplomuar në shkencat kompjuterike për ta përdorur telefonin, derisa beson se për të përdorur Androidin kjo është një parakusht. Në segmentin e produktivitetit në re, Microsoft “e shkel” Google Documents gjatë 98% të kohës, thotë Ballmer.

Në lidhje me iPhone, edhe pse i pëlqen Siri, ai beson se shfrytëzuesit mund të ndodhë të preferojnë përvojën e WP7 me të gjitha informatat para hundës, në vend të ndërfaqes së iPhoneit “me një det me ikona dhe bla, bla, bla” nëpër të cilën duhen shëtitur shfrytëzuesit. /Telegrafi/