Babadimri ka nisur udhëtimin nëpër botë, përcilleni drejtpërdrejtë

Babadimri dhe dreri i tij kanë nisur udhëtimin e tyre nëpër botë, dhe do të ndalojnë në shumë vende në 24 orët e ardhshme.

Çdo vit, Komanda e Mbrojtjes së Hapësirës Ajrore të Amerikës së Veriut (NORAD) ofron gjurmim në kohë reale të Babadimrit, ndërsa ai udhëton nëpër botë, transmeton Telegrafi.

Kjo traditë ka vazhduar që nga viti 1955, kur një gabim në reklamën e një dyqani e bëri një fëmijë të telefononte qendrën e komandës ushtarake duke kërkuar të fliste me Babadimrin.

Koloneli i Forcave Ajrore, Harry Shoup, i cili iu përgjigj thirrjes atë natë, vendosi të argëtohej pak dhe mori rolin e Babadimrit.

Pas kësaj, erdhën më shumë telefonata, prandaj ai ia ngarkoi detyrën një zyrtari që të merrte të gjitha telefonatat, dhe kështu filloi një zakon feste që NORAD e vazhdoi pas krijimit të tij në 1958.

Për dekada, NORAD ka lënë mënjanë detyrat e saj normale të hapësirës ajrore, për t’iu përgjigjur pyetjeve të fëmijëve në lidhje me udhëtimet e Babagjyshit dhe misionin e tij për dhënien e dhuratave.

Çdo vit, të paktën 100,000 fëmijë telefonojnë NORAD për të pyetur vendndodhjen e Babadimrit dhe miliona njerëz ndjekin udhëtimin e tij përgjatë meridianëve të Tokës në internet. Tani mund ta bëni edhe ju. /Telegrafi/