Baba i dhjetë fëmijëve – Elon Musk zbulon nëse planifikon të ketë edhe më shumë në të ardhmen

Elon Musk bëri shaka për familjen e tij të madhe në një intervistë me “Financial Times”, duke thënë se ai është “shumë i sigurt se nuk ka fëmijë të tjerë rrugës”.

Megjithatë, 51-vjeçari e quajti veten një “pulë vjeshte”, duke sqaruar se nuk është kundër që të ketë edhe më shumë fëmijë në të ardhmen.

Drejtori i Përgjithshëm i Teslas u bë baba në vitin 2002 kur erdhi në jetë djali i tij Nevada, por foshnja vdiq pas 10-javëshe.

Dy vjet më vonë, ai dhe gruaja e atëhershme Justine Wilson mirëpritën binjakët Griffin dhe Vivian, tani 18 vjeç.

Musk dhe Vivian nuk kanë raporte të mira, pasi adoleshentja ka ndryshuar edhe mbiemrin e saj në qershor, në mënyrë që “të mos ketë lidhje me babanë e saj biologjik në asnjë mënyrë, apo formë”.

Në atë kohë, Vivianit i ndryshuan edhe emrat e saj të parë dhe të mesëm, si dhe gjininë.

Musk foli për median për marrëdhëniet e tyre të tensionuara, duke thënë: “Kam marrëdhënie shumë të mira me të gjithë të tjerët. Nuk mund t’i fitojë të gjithë”.

Ai dhe Ëilson, 50 vjeç, janë gjithashtu prindër të trenjakëve 16-vjeçar Kai, Saxon dhe Damian, të lindur në vitin 2006.

Pas divorcit të ish-çiftit në vitin 2008, themeluesi i SpaceX mirëpriti djalin X AE A-XII, tani 2 vjeç dhe vajzën Exa, tani 10-muajshe, me të dashurën e tij Grimes në maj 2020 dhe dhjetor 2021.

Në korrik, u publikua lajmi se Musk është babai i binjakëve të Neuralink Shivon Zilis. Të vegjlit kanë lindur në nëntor të një viti më parë.

Sipërmarrësi e konfirmoi lajmin për Page Six, duke thënë: “Bravo për familjet e mëdha. Dua të kem aq sa kam mundësi të kaloj kohë dhe të jem një baba i mirë”.

Lexo po ashtu Të gjitha lajmet nga Elon Musk

Musk dha më shumë njohuri për familjen e tij në zgjerim përmes Twitter.

“Po bëjë çmos për të ndihmuar krizën e nënpopullimit. Një kolaps lindshmërie është rreziku më i madh me të cilin përballet qytetërimi”, shkroi Musk. /Telegrafi/