Atleti britanik mbeti pa vend në finale për shkak të një gabimi katastrofik

Britaniku Jake Odey-Jordan nuk arriti të kualifikohej në finalen e 200 metrave në Kampionatin Evropian të Atletikës U-18, pasi mbivlerësoi avantazhin e tij dhe nënvlerësoi kundërshtarët e tij në gjysmëfinale.

Gjegjësisht, Odey-Jordan humbi luftën për medalje pasi kaloi vijën e finishit në vendin e katërt, sepse qëllimisht e ngadalësoi ritmin, duke menduar se avantazhi i tij ishte i mjaftueshëm.

Ai ishte dhjetë metra përpara konkurrentëve në fund të garës, kur uli ndjeshëm ritmin dhe ngadalësoi ritmin e tij, pasi nuk vlerësoi mirë se ku ishin kundërshtarët e tij.

Vrapuesit e tjerë vazhduan të shtypnin fortë, kështu që Odey-Jordan përfundoi në vendin e katërt me një kohë prej 22.12 sekondash, që nënkuptonte eliminimin nga gara.

“Është faji im. Nuk mund të jem i trishtuar për asgjë përveç vetes. U ndjeva mirë, munda të vrapoja nën 21 sekonda”, ka thënë Odey-Jordan pas garës.

Kështu finalja e Kampionatit Evropian të Atletikës U-18 në Sllovaki do të kalojë pa sprinterin e favorizuar në garën e 200 metrave.

Ndryshe, Odey-Jordan vrapoi të njëjtin seksion në 20.55 sekonda vetëm një muaj më parë. /Telegrafi/