Aston Martin bashkohet me yllin spanjoll të garave për të zbuluar një veturë të re sportive

Prodhuesi britanik i veturave luksoze Aston Martin ka zbuluar modelin e tij të kufizuar ‘Valiant’, duke thënë se pret që dërgesat e tij të fillojnë nga fundi i vitit.

Aston Martin ka zbuluar veturën e re sportive Valiant, të projektuar në partneritet me shoferin spanjoll të garave dhe kampionin dy herë botëror, Fernando Alonso.

Bëhet e ditur se vetura, prej së cilës janë vetëm 38 në botë, mendohet se kushton rreth 2.37 milionë euro.

Marka ka konfirmuar se të gjitha ato janë para-shitur dhe se dërgesat e tyre do të fillojnë në fund të vitit, përcjell Telegrafi.

Fernando Alonso, i cili aktualisht është duke konkurruar për Aston Martin në Formula 1, tha se përvoja e tij e modelit të mëparshëm Valor të Aston Martin e frymëzoi atë të krijonte “një version më ekstrem, të frymëzuar nga veturat e garave, i cili ishte i fokusuar në pistë, duke ofruar gjithashtu një udhëtim emocionues në rrugë”.

Valour, paraardhësi i Valiant, ishte një automjet me edicion të kufizuar i prezantuar për të festuar 110 vjetorin e Aston Martin vitin e kaluar.

Siç raportohet, të 110 makinat, me një vlerë të vlerësuar prej më shumë se 1.4 milionë euro, u shitën brenda dy javësh.

“Besoj se kemi krijuar një kryevepër”, tha Alonso.

Ndryshe, në një përpjekje për të nxitur rritjen e fitimit, Aston Martin po fokuson energjinë në prodhimin e më shumë veturave të reja, që do të thotë se ka ndaluar prodhimin e modeleve të vjetra.

Modeli modern Valiant fuqizohet nga një motor V12 me dy turbo 5.2 litra. /Telegrafi/