Artikujt ushqimorë për ten të bukur

Cilët janë artikujt ushqimorë që me konsumimin e tyre ndikojnë që ta kemi një ten të ripërtërirë, ten për të cilin secila femër ëndërron?

Avokado është një perime e gjelbër, që është e pasur me shumë vajra esenciale, pastaj me vitaminat e kompleksit B, që ndikojnë në përkujdesje ndaj lëkurës, si nga jashtë, po ashtu edhe nga faktorë të brendshëm. Vitamina B3 po ashtu është mjaft e rëndësishme për bukurinë dhe shëndetin e lëkurës, ndërsa që avokado e posedon atë në sasi të mëdha.

Mango posedon më shumë se 80% të nevojave për vitaminën A, e cila ndikon në ripërtëritjen e poreve. Kjo vitaminë po ashtu ndikon si një antioksidues i fortë që do të thotë se i lufton radikalët e lirë që shkaktojnë plakjen e parakohshme të lëkurës. Pos kësaj, mango njihet për mungesë të kalorive, vetëm 70 kalori thuajse për secilën prej tyre, prandaj është i shkëlqyeshëm, jo vetëm për fytyrë, por edhe në kujdesin e linjës së trupin, në përgjithësi.

Bademi është ushqim i përsosur për ruajtjen e tenit, sepse janë tej mase të pasur me vitaminën E, e cila ndikon në kthimin e lagështisë lëkurës, pra e hidraton dhe e mbron atë nga shfaqjet e parakohshme të plakjes.

Kërpudhat janë të pasura me vitaminat B2 që janë shumë të rëndësishme, madje sipas disa ekspertëve janë kyç në ruajtjen e një teni të shëndoshë dhe të ripërtërirë. Në lëkurë ndikon duke e ripërtërirë lëkurën, si dhe duke hequr irritimet dhe skuqjet në lëkurë.

Nuk është kurrfarë fshehtësie se aminoacidet omega 3 janë një eliksir i shëndetit dhe rinisë, e vaji i lirit është njëri nga burimet më të mira për këto vajra esenciale. Aminoacider omega 3 ndikojnë edhe në pakësimin e sekretimit të sebumit dhe në ‘hapjen’ e poreve, prandaj mu për këtë arsye fytyra duket e ripërtërirë. /Telegrafi/