Në dokumentarin “Arnold”, i disponueshëm në Netflix, Arnold Schwarzenegger, diskutoi ditën kur ia zbuloi tradhtinë gruas Maria Shriver me shërbëtoren e shtëpisë, Mildred Barea.
Një moment që ndryshoi gjithçka.
Në vitin 2011, aktori dhe gruaja e tij kishin vendosur t’i nënshtroheshin terapisë në çift në një përpjekje për të shpëtuar martesën e tyre.
no one does a shakedown like Arnold Schwarzenegger pic.twitter.com/V9qqJFX3YY
— Netflix (@netflix) June 3, 2023
Pikërisht gjatë një prej këtyre seancave, aktori 75-vjeçar më në fund rrëfeu tradhtinë me shërbëtoren e shtëpisë, Mildred Barea. Dhe konfirmoi se djali i saj, Joseph, i lindur në 1997, ishte gjithashtu i tij.
“Ajo dëshiron të dijë nëse je babai i Josephit”, thuhet se e pyeti terapisti Arnold Schwarzenegger.
Arnold Schwarzenegger pranks the cast of FUBAR pic.twitter.com/y3wfHTlrUs
— Netflix Is A Joke (@NetflixIsAJoke) June 4, 2023
“Mendova se zemra ime kishte pushuar së rrahuri. Dhe përfundova duke thënë të vërtetën”, shpjegon ai. “Po, Maria. Joseph është djali im”, kujton ai duke u përgjigjur.
Një rrëfim që ‘shkatërroi dukshëm’ Maria Shriver, e cila bëri menjëherë kërkesën për divorc.
Për vite me radhë, Arnold pranon se ka provuar gjithçka për të fshehur të vërtetën.
“Fillimisht, nuk isha i sigurt. Por sa më shumë që rritej, aq më e dukshme bëhej. Pas kësaj, pyetja ishte se si ta fshihnim atë”, rrëfen Schwarzenegger, i cili pranoi majin e kaluar në një intervistë me The Hollywood.
“Divorci ishte shumë, shumë i vështirë në fillim. Dhe më pas, përfundimisht, ne vazhduam. Ajo dhe unë jemi miq shumë të mirë dhe shumë të afërt. Dhe ne jemi shumë krenarë për mënyrën se si i kemi rritur fëmijët tanë”, shpjegon ai.
Për Maria Shriver, dështimi i martesës me aktorin ishte një mundësi për të parë nga brenda dhe për ta njohur veten më mirë. /Telegrafi/
