Arabia Saudite ofron viza turistike për herë të parë, nga nesër mund të bëhen aplikimet e para

Duke filluar nga nesër, mund të bëhen aplikimet e para për viza turistike për në Arabinë Saudite, pasi mbretëria konservatore do të hapet për vizitorë, si pjesë e epokës që do ta ndryshojë sistemin e tregut, larg biznesit të naftës.

Vizitorë nga 49 shtete – përshirë Britania e Madhe, Shtetet e Bashkuara dhe Australia – mund të fillojnë aplikimet nga 28 shtatori, ka bërë të ditur Komisioni për Turizëm dhe Trashëgimi Ndërkombëtare, transmeton Telegrafi.

Fillimi i turizmit është një nga pjesët kryesore të planit të Princit të Kurorës, Mohammed bin Salman që nëpërmjet programit Vision 2030, do të bëjë ndryshimin më të madh në ekonominë arabe, pa përfshirë në të naftën, por duke u fokusuar në tregje tjera.

Vizitoret e huaja, sërish janë të detyruara të mbulohen, por jo të aplikojnë mbulesën që përfshijnë mbulimin e tërësishëm të trupit. Autoritetet kanë thënë se duhen të vishen ‘rrobe të lehta’, pa saktësuar se cilat pjesë duhet mbuluar.

Njoftimi vjen vetëm dy javë, pas sulmit shkatërrues në infrastrukturën e naftës së Arabisë Saudite – derisa faji po iu hidhet Washingtonit dhe Iranit – duke shkaktuar probleme në shumë tregje botërore. /Telegrafi/