Apple pritet të sjellë gjatë vitit që vjen, një iPhone me dizajn tërësisht të ri

Kanë mbetur vetëm edhe disa ditë, kur Apple do ta sjellë iPhone të ri, që pritet të quhet iPhone 11 dhe ka shumë pritje, se çfarë mund të përmbajë në të.

Ming-Chi Kuo është analisti i TF International Securities, që ka siguruar informacionin se iPhone i ri që lansohet gjatë vitit që vjen, do të ketë dizajn tërësisht të ri, rrjet 5G dhe kamera shumë më të fuqishme, transmeton Telegrafi.

“Faktor dizajni, një një formë tërësisht të re” thuhet për dukjen e këtij iPhone, në përshkrimin e pajisjes, në dokumentet që iu janë dërguar investitorëve. Bashkë me rrjetin e internetit 5G dhe kamerat shumë më të fuqishme, pritet që shitjet e këtij iPhone, pritet të rritet niveli i shitjeve.

Ndryshimet që do të pësojë, nuk janë bërë të ditura, mirëpo mendohet se sikurse iPad Pro, të ketë këndë, anësore të rrafshëta dhe pjesën e kamerave të mos e ketë aq të keqe në dukje.

Formati i ri, mund të bëjë që iPhone të kthehet sërish në alumin, material të cilin Apple nuk e përdorë që nga iPhone 8, në mënyrë që të jetë sa më praktik për mbushjet wireless.

Me këtë format të ri, mendohet se hapësira e mbuluar në ekran të jetë sa më e vogël, Touh ID të jetë në brendësi, vrima më të thellë për realitetin e augumentuar dhe port USB-C si zëvendës të Lightning. Rrjeti i internetit 5G, nuk pritet të mungojë.

Të ndryshme pritet të jenë edhe përmasat e ekranit, 5.4 inç dhe 6.7 inç, pritet t’i zëvendësojnë të tanishmet 5.8 inç dhe 6.5 inç.

Investimet e reja dhe përditësimet, bëhen që të rriten shitjet e iPhone, që kohëve të fundit, nuk ishin aq të mira. /Telegrafi/