Apple me model të ri të MacBook Air në 2014!

Apple prezantoi modelin e ri të MacBook Air në ngjarjen e saj të WWDC më herët këtë vit.

Laptopi i kompanisë erdhi në dy versione: atë me ekranin prej 11.6-inç dhe tjetrin me 13.3-inç, ndërsa të dyja modelet mbështeten nga procesorët e fuqishëm të Intel Haswell.

Ndërsa tani, sipas një raporti të ri të publikuar sugjerohet se Apple mund të prezantojë një model të ri dhe të ri-dizajnuar të Macbook Air me ekranin Retina, të cilin kompania do ta prezantojë në vitin e ardhshëm, së bashku me një model të ri të iPhone i cili do të dallohet për shkak të ekranit më të madh.

Raporti është publikuar nga një analist i NPD DisplaySearch, i cili thotë se Apple mund të lansojë një model të ri të iPhone me diagonale të ekranit e cila sillet prej 4.7 deri në 5.7-inç, orën e mençur iWatch me ekranin prej1.2 inç, iPad-in me ekran prej 12.9-inç dhe modelin e ri-dizajnuar të Macbook Air me ekranin Retina.

Pritet që më 22 tetor kompania Apple ta mbajë një ngjarje të madhe në të cilën do t’i prezantojë modelet e reja dhe të freskuara të tabletit të saj, iPad. / Telegrafi /