Aplikacioni për rregullimin e imazhit të Samsung Galaxy Enhance-X AI arrin në serinë S23

Samsung më në fund e ka lansuar Galaxy Enhance-X tek seria e Galaxy S23, aplikacionin për rregullimin e fotografive.

Aplikacioni ka qenë në dispozicion tek treshja Galaxy S22 që nga vera e kaluar por me një version më të vjetër – 1.0.35.

Versioni i ri ka numrin 1.0.55, por që akoma është në programin beta, teksa e përdorë GPU-në më të fuqishme në serinë Galaxy S23.

Aplikacioni është një “rregullues i përmirësuar dhe magjik i fotografive” që përdor inteligjencën artificiale për të shtuar HDR në imazhe, për t’i ndriçuar ato, për të rregulluar turbullimin, për të hequr reflektimet ose hijet, për të rregulluar shtrembërimin e lenteve dhe për të krijuar një modalitet portreti të shkrepur nga një fotografi e rregullt, transmeton Telegrafi.

Ekziston gjithashtu një buton “magjik” që përmirëson një imazh në mënyrën se si aplikacioni e sheh të arsyeshme.

Aplikacioni i ri është në dispozicion për serinë Galaxy S23 që nga sot – ka një kapacitet prej 85MB dhe mund të shkarkohet në Galaxy store.

Aplikacioni eventualisht do të arrijë edhe tek disa modele specifike të serisë Galaxy A, ndërsa seria Galaxy S22 do të marrë përditësimin e ri.

Nga GSM Arena shkruajnë se ata e provuan aplikacionin, dhe thonë se kryen një funksion të mirë, megjithatë shtojnë se nuk mund ta gjenin asnjë mënyrë për ta rritur imazhin me përmasa 1600x729px në përmasa më të mëdha. /Telegrafi/