Është zbuluar së fundmi se ajo do të portretizojë versionin më të ri të Furiosa të aktores Charlize Theron në “Mad Max”.
Dhe, në një intervistë të re Anya Taylor-Joy tha se ‘sigurisht’ do të bënte një sezon të dytë në shfaqjen hit të Netflix “The Queen’s Gambit”, e cila është e bazuar në një libër të autorit amerikan, Walter Tevis.
Në sezonin e parë, aktorja, 24 vjeçare, luan jetimen Beth Harmon, një vajzë që bën mrekulli në shah.
Duke folur për Town & Country, Anya tha: “Nëse kam mësuar ndonjë gjë nga të qenit në këtë industri, unë kurrë nuk do të them kurrë”.
“Unë e adhuroj karakterin dhe me siguri do të kthehesha nëse do të më kërkohej, por mendoj se e lëmë Beth në një vend të mirë”.
“Unë mendoj se pjesa tjetër e jetës së saj me siguri do të jetë një aventurë gjithashtu, por në përpjekjen që ajo të vazhdojë në këtë mënyrë për të gjetur një formë paqeje, vetëm një formë të të qenit në gjendje të jetë e lumtur me atë që është. Mendoj se përfundon në një vend të bukur”.
Shfaqja e famshme në Netflix ka fituar adhurues të shumtë midis profesionistëve të shahut, për vërtetësinë e strategjive të lojës dhe për stilin mahnitës të viteve ’60.
Duke folur për karakterin e saj dhe Beth, ajo shtoi, “Në kohën që unë kam luajtur atë nuk kam pasur energji për të krijuar një mur midis meje dhe saj. Kështu që, nëse ajo po kalonte një ditë të keqe, unë po kaloja një të tillë po ashtu”.
Lindur në Miami, Florida, Anya është më e vogla nga gjashtë fëmijët dhe është rritur në Argjentinë. Babai i saj është një peshkatar dhe nëna e saj një fotografe.
Anya u kërkua të ishte një modele dhe la shkollën në moshën 16 vjeçare për të ndjekur më pas aktrimin.
Ajo deri më tani ka qenë e pranishme në shumë shfaqje e filma të ndryshëm. /Telegrafi/
