14/01/2019
Skuadra e rikthyer në elitën e futbollit kosovar, Ballkani nga Theranda ka vazhduar me përforcime.
Klubi nga Theranda ka transferuar mbrojtësin me përvojë të madhe në elitën e futbollit kosovar, Dardan Jashari.
Lajmi është konfirmuar nga vetë klubi i Ballkanit nëpërmjet faqes së tyre zyrtare në Facebook.
Jashari i është bashkuar Ballkanit nga skuadra e Llapit kur qëndroi për disa sezone në Podujevë.
Jashari është prezantuar në zyrat e klubit dhe ka zgjedhur fanellën me numrin gjashtë.
Kujtojmë që klubi nga Theranda synon mbijetesën në elitën e futbollit kosovar, ndërsa është edhe në çerekfinale të Kupës së Kosovës ku synojnë triumfin në këtë garë. /Telegrafi/