Përfaqësuesja e Kosovës do të ndeshet me kombëtaren e Ukrainës në kuadër të kualifikimeve për kampionatin botëror “Rusia 2018”.
Kosova është nikoqire e Ukrainës në takimin e parafundit të grupeve për eliminatoret në kampionatin botëror.
Ndeshja pritet të filloj nga ora 20:45 në stadiumin e Shkodrës “Loro Boriçi” dhe është e fundit për Kosovën si vendas.
Ky takim i fundit si vendas është shumë i vlefshëm për Kosovës, pasi duan të marrin një rezultat pozitiv, për vet lojtarët dhe tifozët.
Trajneri i Kosovës, Albert Bunjaku pritet të luaj me disa ndryshime ndaj Ukrainës, për dallim nga ndeshjet e kaluara.
Bunjaku pritet t’i bëjë katër ndryshime për dallim nga ndeshja e fundit e humbur nga Finlanda me rezultat minimal 1-0.
Sipas burimeve të Telegrafit, Bunjaku pritet t’i jap hapësirë për debutim mesfushorit llapjan, Besar Musolli, ndërsa titullar pritet të jenë edhe Besar Halimi, Bersant Celina dhe Vedat Muriqi.
Formacioni i Kosovës: Ujkani, Vojvoda, Jashanica, Rrahmani, Paqarada; Kryeziu, Musolli; Rashica, Halimi, Celina; Muriqi