Kopertinën e numrit të ri të versionit britanik të revistës Vogue, e zbukuron Victoria Beckham, në shoqëri të djemve Brooklyn, Romeo, Cruz dhe vajzës Harper.
Në intervistën e gjatë dhe të hapur, dizajnerja e modës dhe ish-anëtarja e "Spice Girls" ka folur në lidhje më thashethemet për shkurorëzimin eventual me David Beckhamin.
Gjatë deklaratës së saj për këtë temë, këngëtarja e dikurshme ka thënë se ajo dhe bashkëshorti i saj janë mësuar që t'i injorojnë spekulimet e tilla.
"E kemi kuptuar se jemi shumë të fuqishëm bashkë sesa si individë. Thelbi qëndron në bashkësinë familjare", ka thënë ajo.
Përveç martesës së David, Victoria ka folur edhe për linjën e modës që e ka nisur që nga viti 2008.
"Jam përpjekur që të shprehem dhe të krijoj rrobat që i kam dëshiruar, ndërsa nuk kam arritur t'i gjej askund", është shprehur 44-vjeçarja.
Njëherësh, Victoria ka treguar është keqtrajtuar si nxënëse në vitet shkollore.
"Nuk kam qenë e mençur. Kam dashur të jem një vajzë e popullarizuar, ndërsa isha krejtësisht e kundërta", ka pranuar dizajnerja. /Telegrafi/