07/09/2021
Pas një vere të vështirë për Barcelonën për shkak të situatës financiare, shumë futbollistë seniorë kanë pranuar zvogëlim të pagës.
Gerard Pique, Jordi Alba e Sergio Busquets ishin ndër të parët, duke pasuar me Sergi Roberton, ndërsa i fundit është Samuel Umtiti.
Qendërmbrojtësi francez është i vetëdijshëm për situatën e klubit dhe i ka pranuar kushtet e reja, sipas të cilave do të paguhet më pak.
Si një prej futbollistëve më të paguar te Barca, ishte vetëm çështje kohe kur katalunasit do t’i kërkonin ulje të rrogës.
Përkundër mosndikimit dhe lëndimeve, 27-vjeçari është i vendosur ta dëshmojë veten me Blaugranët këtë sezon. /Telegrafi/