248:"MADRID, SPAIN - NOVEMBER 06: Fatih Terim, Manager of Galatasaray looks on prior to the UEFA Champions League group A match between Real Madrid and Galatasaray at Bernabeu on November 06, 2019 in Madrid, Spain. (Photo by Angel Martinez/Getty Images)
12:"Getty Images
23/03/2020
Trajneri i njohur turk, Fatih Terim që ka drejtuar klube si Milan dhe Fiorentina, ndërsa aktualisht drejton Galatasarayn ka rezultuar pozitiv me coronavirus.
Trajneri e konfirmoi lajmin në llogarinë e tij personale në “Twitter”.
“Sipas analizave të kryera sot, rezultatet e mia për Coronavirusin dolën pozitive. Jam në duar të sigurta në spital! Mos u shqetësoni! Do të komunikojmë së shpejti!”, shkruan 66-vjeçari.
Terim konsiderohet si trajneri më i suksesshëm i Turqisë.
Ai është i vetmi trajneri që i ka dhënë vendit të tij sukses evropian (Kupa UEFA me Galatasarayn në vitin 2000), ndërkohë ka fituar me këtë klub 8 kampionate, 3 Kupa të Turqisë dhe 5 Superkupa të Turqisë.
Ai e ka drejtuar në Itali edhe Fiorentinën dhe Milanin. /Telegrafi/