Tahiri: Amerika të ndërtojë bazë ushtarake në veri të Kosovës, vetëm kështu ndalet lufta gjeopolitike

Ish-kryenegociatorja e Kosovës në dialogun me Serbinë, Edita Tahiri, ka thënë të martën se Shtetet e Bashkuara të Amerikës duhet të ndërtojnë bazë ushtarake në veri të Kosovës.

Sipas saj, vetëm në këtë mënyrë ndalet lufta gjeopolitike e Serbisë dhe Rusisë ndaj Kosovës dhe Ballkanit Perëndimor.

“Amerika të ndërtojë bazë ushtarake në veri të Kosovës, vetëm në këtë mënyrë ndalet lufta gjeopolitike e Serbisë dhe Rusisë ndaj Kosovës dhe Ballkanit! Si rezultat vija gjeopolitike perëndim- lindje vendoset drejt në Ballkan”, ka shkruar Tahiri në Facebook.

Tutje, ajo ka thënë se përcaktimi perëndimor i Kosovës dhe të gjitha shteteve tjera që lindën nga zhbërja e ish-Jugosllavisë është paguar me jetë njerëzish. /Telegrafi/