Real Madridi e ka caktuar skuadrën e plotë për ndeshjen kthyese çerekfinale të Ligës së Kampionëve kundër Juventusit.
Los Blancos janë nikoqirë të Zonjës së Vjetër në Santiago Bernabeu në ndeshjen që zhvillohet të mërkurën mbrëma.
Ekipi spanjoll fitoi me rezultat 3-0 në ndeshjen e parë në Torino, ashtu që është pozitë shumë të mirë për ta konfirmuar pjesëmarrjen në gjysmëfinale.
Zinedine Zidane e ka lënë jashtë Dani Ceballos, ndërsa Casemiro pritet të përfshihet në mbrojtje për shkak të mungesës së Sergio Ramosit, duke qenë se trajneri nuk i beson Jesus Vallejos.
Njëherësh, nga minuta e parë mund të startojnë edhe Mateo Kovacic dhe Lucas Vazquez.
Më poshtë është skuadra e plotë e Real Madridit:Portierë: Keylor Navas, Casilla, Luca.
Mbrojtës: Carvajal, Vallejo, Varane, Marcelo, Theo.
Mesfushorë: Kroos, Modric, Casemiro, M Llorente, Asensio, Isco, Kovacic.
Sulmues: Cristiano Ronaldo, Benzema, Bale, Lucas Vazquez.
/Telegrafi/