Ylli televiziv dhe njëherësh sipërmarrësja, Kylie Jenner, është akuzuar rreth statusit të saj si miliardere.
Revista Forbes ditë më parë kishte pretenduar se 22-vjeçarja nuk është miliardere, pasi i kishte fryrë të ardhurat nga biznesi i saj vetëm që të shkruhet në histori, shkruan Mirror.
Anipse revista ka hedhur akuza të rënda, një raport i ri nga Page Six ka supozuar se ajo ka mjaft para saqë edhe ka shpenzuar miliona kohët e fundit.
Një burim i brendshëm u kishte thënë atyre se Kylie ka shpenzuar rreth 50 deri 70 milionë dollarë në një aeroplan privat, për rastin e ditëlindjes së vajzës së saj gjatë muajit shkurt.
“Ajo shpenzoi pothuajse 130 milionë dollarë vetëm vitin e kaluar”, kanë thënë burimet e Page Six.
Kylie deri më tani ka shpenzuar një shumë të konsiderueshme në rezidencat e saj, 3.25 milionë dollarë në shtëpinë afër nënës së saj në Palm Springs, ndërsa tjetra arrin shumën prej 36.5 milionë dollarë në Homby HIlls të Kalifornisë.
Sidoqoftë, pas spekulimeve të Forbes, Kylie thuhet se nuk dëshiron të flasë me nënë e saj, Kris Jenner. /Telegrafi/