Shkup, kallëzohen penalisht dy persona për prodhim të drogave të rrezikshme

Sektori për Punë të Brendshme (SPB) në Shkup njofton se është ngritur kallëzim penal ndaj B.M (36) nga Gërçeci i Shkupit, si edhe O.K (58) nga Republika e Çekisë.

Që të dy ngarkohen për prodhim të paautorizuar dhe lëshim në qarkullim të drogave narkotike, substancave psikotrope dhe prekursorëve.

Gjatë kontrollit në shtëpinë e B.M, është gjetur metamfetaminë, mebzil metil keton dhe pseudoefedrin, si edhe mjete tjera për prodhim të drogave sintetike.

Këto substanca përdoren për prodhimin e drogave më të rretikshme që njihen si kristal met, pernik ose perventin.

B.M nuk është kapur nga policia dhe është në kërkim, kurse O.K është arrestuar./Telegrafi/