Legjenda angleze, Alan Shearer, ka kritikuar ashpër mbrojtjen e Barcelonës pas humbjes 3-0 ndaj Chelseat në Stamford Bridge në ndeshjen e mbrëmshme të Ligës së Kampionëve.
“Kam parë shumë skema për të kapur kundërshtarin në pozitë jashtë loje, por kjo ishte absolutisht e çmendur”, ka thënë ish-sulmuesi i Newcastle United.
“Dukej sikur katër lojtarë qëndronin aty pa koordinim, si të pyetur: ‘Si do ta bëjmë këtë, djem?’ Nganjëherë është e pabesueshme sa lehtë Chelsea depërtoi dhe sa pakujdesshëm po reagonte mbrojtja”, përfundoi Shearer.
Problemet në prapavijë nuk janë të reja për Barcelonën këtë sezon.
Strategjia mbrojtëse e trajnerit Hansi Flick, që një vit më parë dha rezultate të shkëlqyera duke balancuar rrezikun me shpërblimin, duket se po humb efektivitetin.
Kjo humbje e rëndë i komplikon edhe më shumë synimet e katalanasve për të siguruar kualifikimin automatik në fazën e 1/16-ve të Ligës së Kampionëve. /Telegrafi/