Legjenda braziliane, Romario de Souza Faria ishte sigurisht një futbollist ndryshe, ai që përcaktoi një epokë te Barcelona.
Kjo ndodhi pavarësisht se kaloi vetëm dy sezone në klub dhe u përfshi në episode të herëpashershme të diskutueshme.
Ai ishte pjesë e një prej skuadrave më të mira të Barcelonës në historinë e klubit, i njohur si Dream Team apo “ekipi i ëndrrave” i Johan Cruyff , së bashku me lojtarë të tjerë legjendar.
Në një intervistë për ESPN, Romario u pyet se cila Barcelona ishte më e mirë, nëse ishte ajo në të cilën ai luajti apo ajo e trajnerit Pep Guardiola vite më vonë.
E, braziliani legjendar madje pohoi se ishte më i mirë se Lionel Messi, teksa krahasoi lojtarët e të dyja ekipeve pozicion për pozicion.
Kur diskutoi Messin, i cili luajti në një rol më qendror për Guardiolën, Romario shpjegoi pse mendon se ishte një qendërsulmues më i mirë.
“Ne jemi lojtarë të ndryshëm dhe, në pozicionin e tij, ai është më i mirë. Por, në pozicionin tim, unë jam më i mirë se ai”, tha fituesi i Kupës së Botës 1994. /Telegrafi/