Rishfaqet lopa e fundit nga 11 sosh që ishin arratisur në Louisville
Autoritetet në Kentaki thanë se e fundit nga 11 lopët që u arratisën nga një kamion në fund të tetorit, u pa disa javë më vonë.
Departamenti i Policisë së Metrosë në Louisville tha se 11 lopët u gjetën duke vrapuar lirshëm në fushën e golfit Cherokee Park dhe zonën përreth më 21 tetor, pasi kafshët u arratisën nga një kamion që u godit nga një automjet tjetër në Interstate 64, raporton UPI, përcjell Telegrafi.
Të gjitha kafshët, përveç njërës, u mblodhën nga autoritetet dhe kaubojët vullnetarë. Louisville Metro Animal Services tha se kafsha e mbetur, një dem, u pa të dielën.
Dëshmitarët thanë se demi u pa në një zonë midis Le Moo dhe Beargrass Creek.
Autoritetet u bënë me dije banorëve që të thërrisnin policinë në vend që të përpiqeshin të kapnin vetë demin. /Telegrafi/