12/07/2023
Kryeministri i Shqipërisë, Edi Rama zhvilloi sot një takim me presidentin e Turqisë, Recep Tayyip Erdogan, në kuadrin e samitit të NATO-s që po mbahet në Vilnius të Lituanisë.
Në një postim në rrjetet sociale, Rama informoi se takimi bilateral u fokusua te situata në rajon, veçanërisht në veriun e Kosovës.
“Lituani – Me Presidentin Erdogan, në takimin bilateral për situatën në rajonin tonë dhe veçanërisht në Veriun e Kosovës”, shkruan Rama.
Prej ditës së djeshme, kryeministri Rama ndodhet në Vilnius të Lituanisë, ku po zhvillon punimet Samiti i NATO-s.
Krahas pjesëmarrjes në panelet e këtij samiti, kryeministri ka zhvilluar takime edhe me liderë të vendeve anëtare të NATO-s. /Telegrafi/