23/05/2025
Punëtorët e Kompanisë “Pastrimi” do të vazhdojnë edhe sot grevën para objektit të Komunës së Prishtinës.
Në shenjë pakënaqësie, ata kanë parkuar kamionët e punës përpara ndërtesës së komunës, transmeton Telegrafi.
Sipas punëtorëve, greva ka për qëllim sigurimin e pagave më të larta, përmirësimin e kushteve të punës dhe furnizimin e rregullt me derivate për mjetet e punës.
Ndërmarrja "Pastrimi", tash e disa ditë ka ndërprerë shërbimet si pasojë e krizës financiare, e që sipas tyre është shkaktuar nga Komuna e Prishtinës./Telegrafi/