Prokurorit të Prishtinës i vidhet vetura
26/04/2018
Policia e Kosovës ka bërë të ditur se është vjedhur një veturë e tipit Toyota mbrëmë rreth orës 23:00, në oborrin e një shtëpie në fshatin Gllanaselle të Drenasit.
Telegrafi mëson se vetura e vjedhur është e zëvendës-kryeprokurorit të Prishtinës, Ibrahim Berisha.
“Mbrëmë rreth orës 23:00, në stacionin policor të Drenasit është hap një rast vjedhje e veturës. Rasti ka ndodhur në fshatin Gllanaselle të Drenasit, saktësisht në oborrin e një shtëpie ku është vjedhur një veture e tipit Toyota. Rasti është duke u hetuar nga ana e Policisë”, tha për Telegrafin zëdhënësja e Policisë së Kosovës për rajonin e Prishtinës, Flora Ahmeti. /Telegrafi/
Foto: Ilustrim