Një person ka vdekur dhe tri femra kanë marrë lëndime trupore në një aksident trafiku.
Sipas raportit të Policisë së Kosovës, ngjarja ka ndodhur të hënën rreth orës 21:15 në fshatin Grabanicë, të Klinës.
Siç thuhet në raport, aksidenti ka ndodhur mes dy veturave, pasi shoferi i njërës veturë duke mos ju përshtatur kushteve të rrugës ka humbë kontrollin dhe ka goditur veturën tjetër.
“Raportohet se i dyshuari mashkull kosovar gjersa ka qenë duke drejtuar veturën e tij me targa vendore, duke mos ju përshtat kushteve të rrugës ka humbë kontrollin dhe ka godit një veturë po ashtu me targa vendore që e drejtonte një femër kosovare. Si pasojë e aksidentit në vendngjarje vdes i dyshuari ndërsa lëndime trupore kanë pësuar tri femra kosovare. Në vendngjarje ka dal njësitet përkatëse dhe prokurori”, thuhet në raport. /Telegrafi/