28/06/2020
Guvernatori i Kalifornisë, Gavin Newsom, urdhëroi mbylljen e të gjitha bareve në shtatë rajone të vendit, përfshirë edhe në Los Angeles, për shkak të rritjes së rasteve nga coronavirusi.
Sipas mediave të huaja, përcjell Telegrafi, vendimi i Newsom vjen dy ditë pasi qeveritarët republikanë në Teksas dhe Florida urdhëruan po ashtu mbyllje të ngjashme, në një përpjekje për të parandaluar rritjen e të infektuarve nga COVID-19.
Vendimi u bë i ditur edhe nga autoritetet e shëndetësisë të dielën pasdite, vetëm dy javë pasi vendi kishte marrë vendimin për hapjen e këtyre bareve.
Raportohet se vendimi do të vlejë për Los Angeles, Fresno, Kern, San Joaquin, Tulare, Kings dhe Imperial. /Telegrafi/