19/07/2019
"T'lutem" mbetet një prej realizimeve të fundit të reperit nga Shqipëria, Skerdi.
Këtë këngë ai e solli në bashkëpunim me këngëtaren Mimoza Shkodrën, projekti i të cilëve për një kohë të shkurtër mblodhi miliona klikime në YouTube.
Ndërsa tani, ai ka njoftuar fansat e tij se po vjen me një projekt solo, duke publikuar një fragment të shkurtër në Instagram.
"Sa t'kam dasht, së shpejti", ka shkruar Skerdi krahas videos, duke etiketuar edhe shtëpinë e hiteve 'RedBox Entertainment'.
Ndërkohë, videoja mori pëlqime dhe komente të shumta nga fansat e tij, të cilët mezi po e presin lansimin e kësaj kënge. /Telegrafi/