Organizata e Veteranëve të Luftës së UÇK-së, përmes një reagimi ka shprehur shqetësimet lidhur me rastin e veteranit Sabit Geci.
Në reagim thuhet se duke e ditur gjendjen shëndetësore të Gecit, është vendim i duhur lirimi i tij.
"Organizata e Veteranëve të Luftës së UÇK-së, është e shqetësuar për rastin e veteranit-invalidit të luftës z. Sabit Geci, i cili është maltretuar kohë të gjatë, duke u mbajtur padrejtësisht nëpër burgje, për shkak të gjykimeve 'për krime lufte' që për ne ishin dhe janë procese të montuara politike", thuhet në reagimin e OVL UÇK.
Ndryshe ditë më parë Këshilli për Mbrojtjen e të Drejtave e të Lirive të Njeriut përmes një njoftimi për media ka reaguar lidhur me pezullimin e dënimit të Sabit Gecit për shkak të gjendjes së rënduar shëndetësore.
Sipas KMDLNj-së, ky vendim është i drejtë.
Reagimi i plotë i OVL UÇK:Organizata e Veteranëve të Luftës së UÇK-së, është e shqetësuar për rastin e veteranit-invalidit të luftës z. Sabit Geci, i cili është maltretuar kohë të gjatë, duke u mbajtur padrejtësisht nëpër burgje, për shkak të gjykimeve “për krime lufte” që për ne ishin dhe janë procese të montuara politike.Duke e ditur gjendjen shëndetësore të z. Geci, i cili përballet me sëmundje të rënda, sëmundje të cilat janë edhe me diagnoza të njëjta nga ana e mjekëve të UNMIK, EULEX, Turqisë dhe Kosovës, neve na ka ardhur mirë që drejtësia e liroi gjashtë muaj për shkaqe shëndetësore.Lidhur me këtë lirim, jemi habitur me reagimin e ambasadorit të SHBA-së në Kosovë, z. Philip Kosnett dhe pyesim se a ka të drejtë të përzihet në drejtësi, dhe pse nuk reagon për mosgjykimin e serbëve, të cilët kanë bërë dhunime, djegie, shkatërrime dhe krime deri në gjenocid.Duke pasur parasysh që EULEX nuk ka më mandat për këto gjëra, pyesim: A kaq e paaftë është Prokuroria Speciale e Kosovës, që të dërgoi kërkesë në EULEX, për zbutje të dënimit të z. Geci, kur e di që kjo gjë në kompetencë të kujt është.Për fund: Ne mendojmë se vendorët dhe ndërkombëtarët kënaqen vetëm atëherë kur Sabit Geci është i vdekur./Telegrafi/